Kanali Musolini(Pjesa e dytë)

Më 25 maj 1944, dita e fundi e luftës në Litoria, në pauzën midis

largimit të gjermanëve e mbërritjes së angloamerikanëve,

Diomed Peruci hyn në Bankën e Italisë dhe plaçkit thesarin.

Pikërisht këtu nis, thonë gojët e këqija, karriera e rrufeshme

si sipërmarrës dhe vetë zhvillimi i gjithë Latinës. Të jetë e

vërtetë? Megjithatë lufta vazhdon e lëviz drejt Veriut, ndërsa aleatët, me ndihmën vendimtare të brigadave partizane dhe

ushtrisë italiane të ringritur, i detyrojnë gjermanët e ushtarët

fashistë të tërhiqen. Luftë për çlirim, por edhe luftë civile

mizore e vëllavrasëse. Dhe familja Peruci, protagoniste e

paharrueshme e sagës së rrëfyer në këto faqe, është rreshtuar

në të gjitha frontet e këtij konflikti. Kanali Musolini – Pjesa e dytë është një roman madhështor koral dhe polifonik, një vepër letrare me bukuri shndritëse që, duke shkëmbyer tonet epike me ato të elegjisë, na jep

një shpjegim të qartë për atë që jemi, për hir të asaj që kemi

qenë, në të mirë dhe në të keq.