Kohë e të fshehtave

Ditë pas dite, djemtë e vegjël rriten. Janë shumë krenarë për këtë; nuk e di nëse kanë të drejtë, por ja që kështu ndodh, nuk ke ç’ti bësh. Ata nisin të jetojnë jetën e tyre. Në shkollë luajnë një personazh të ri, shumë të ndryshëm nga ai që kthehet në mbrëmje në shtëpi. Kanë zënë shokë të rinj, të cilët prindërit nuk ua njohin dhe i ruajnë me xhelozi të fshehtat e tyre të vogla. Është pikërisht kjo periudhë e jetës sonë që kam dashur të përsh- kruaj në këtë libër. Ajo është tepër e rëndësishme, sepse është si një lindje e dytë; është ky çasti kur ne fillojmë të kuptojmë që asgjë nuk është e lehtë dhe se nuk mjafton të qash te supi i nënës për të marrë atë që dëshiron