Këtu ka qenë Roma-shëtitje të sotme në qytetin e lashtë

Libri “Këtu ka qenë Roma” tregon jo vetëm dhe jo aq për gurët dhe piedestalet, sesa për historinë që qëndron pas tyre. Të kalosh pranë ndërtesës së Ministrisë së Financave, ku nuk ka ndonjë rrënojë antike, është një gjë e zakonshme, por është krejt ndryshe të mësosh, se në këtë vend, që quhej “Fusha e mallkuar”, janë varrosur priftëreshat vestale (virgjëreshat e Vestës), të cilat kishin shkelur betimin e dëlirësisë. Edhe sot e kësaj dite kockat e tyre ndodhen aty nën tokë, fare pranë këmbëve tuaja.