Grua

Dr. Zoje Jakaj ka marrë përsipër një punë jo të lehtë: ajo e ndan veprën e saj në disa kapituj e në disa pjesë, ku në pjesën e parë zë një vend të rëndësishëm historiku i feminizmit botëror, valët e ndryshme të tij e më pas kalon në analizën e gjendjes së gruas në Shqipëri, në të kaluarën dhe sot. Unë, shkruan ajo, nuk e kam parë të arsyeshme të përdor feminizmin si një mburojë duke shpjeguar më tej, me arsyetime të shumta se si feminizmi nuk është një armë kundër burrave, por një mjet për të arritur barazinë me burrat, në shoqëri të mbizotëruar – jo vetëm shqiptare – nga kultura mashkullore. Dhe shfaqin shumë interes këto pjesë të librit, të cilat janë si një uverturë ku shtjellohet ecuria e feminizmit, qoftë në botë a qoftë dhe në Shqipëri, për të hyrë pastaj në hollësi të shumta, konkretizuese, në shembuj frymëzimi, në problematika të ndryshme.