Mos e harro Japoninë , Suzanë

Në të martën e tretë të nëntorit, shtatëmbëdhjetë vjet pas fillimit të mileniumit të tretë, dr. Leonard Malaj, dyzet e pesë vjeç, mjek otorinolaringolog, i martuar, baba i një vajze pesë vjeçe, u zgjua rreth orës gjashtë të mëngjesit dhe, pasi bëri një dush të shpejtë, bëri një kafe nga makina e ekspresit dhe, pasi e shijoi ngadalë, para se të dilte nga banesa, shkoi në banjë që t’i lante dhëmbët. Fryu hundët me forcë dhe u kollit që ta pas-tronte fytin dhe ta nxirrte këlbazën, por këlbaza i doli me fije gjaku.