Antologji e mendimit estetik shqiptar 1504 1944

Një përmbledhje antologjike e qëmtuar dhe e zgjedhur me kujdes nëpër shekujt e mendimit shqiptar. Nga 1504-1944, autorë e personalitete të shquara të kulturës shqiptare japin mesazhet dhe gjykimet e tyre shoqërore mbi dukuritë estetike të jetës dhe të veprave artistike. Në antologji përfaqësohen 36 autorë, me dhjetëra shkrime të nxjerra nga libra, revista, gazeta, kalendarë e dorëshkrime. Janë zgjedhur fragmente nga monografi dhe studime të ndryshme letrare, pjesë nga vepra, artikuj kritikë, recensione, shënime letrare, parathënie e pasthënie, pjesë nga tekste shkollore etj.