Komediana

Janka, një vajzë e re në ndjekje të lirisë dhe në kërkim të vetërealizimit, vendos të bëhet aktore. Puna në skenë na jep idenë se ëndrra e saj është realizuar, por realiteti ka pak lidhje me pritshmëritë. Pagesa që merr, nuk është e mjaftueshme për të përballuar jetesën. Roli i madh që i ishte premtuar, i hiqet. Si rezultat i dështimeve, ajo arrin një pikë kritike: e sëmurë, e vetmuar, e lodhur nga lufta për mbijetesë, e privuar nga shpresa për një ndryshim të fatit, ajo përpiqet t’i japë fund jetës. Komediania është një ndër veprat më të rëndësishme të Reymont-it, krahas romaneve Toka e premtuar dhe Fshatarët.