Panteoni e simbolika

Etnokultura është një univers, ku, sado të kërkosh e të qëmtosh në vlerat e saj, përsëri do të mbeten dhe shumë mistere të tjera pa u njohur, pa u zbërthyer deri në thellësitë e tyre të brendshme. Shumë herë, në të njëjtat dukuri, pasqyrohen epoka të ndryshme, mendësi e besime të ndryshme, të shkrira në bashkësi të caktuara, të shprehura përmes simboleve, përmes dokeve e kodeve të caktuara.