Përzgjedhja midis alternativash në standardizimin e gjuhës dhe shkrime të tjera

“Toskërishtja përbën bërthamën fillestare të gjuhës standarde shqipe”, shkruan Byron-i dhe, sipas saj, kjo përzgjedhje është rezultat i faktorëve kryesisht jashtëgjuhësorë, siç ndodh rëndom, por edhe brendagjuhësorë. Sipas gjuhëtares amerikane, toskërishtja është përzgjedhur edhe për faktin që drejtuesit e vendit kanë qenë kryesisht toskë, prandaj ata kanë diktuar dialektin e tyre. Madje në njërën prej çështjeve të librit ajo bën një renditje jorastësore sipas përkatësisë krahinore të individëve me poste kyç në qeveri apo Partinë e Punës… Në të vërtetë, edhe disa nga veprimtarët e Rilindjes ishin toskë.