Kthimi i Ismail Ferik Pashës

Marrja peng e një fëmije, ndryshimi i fesë dhe ngjitja në pushtet, ishin ndër dukuritë e zakonshme në Perandorinë Osmane. Por rasti i Ismail Ferik Pashës qe ndryshe: Gjysmë shekulli pas kapjes peng, ai kthehet në vendlindje, në Kretë, si komandant i ushtrisë egjiptiane, për të shtypur kryengritjen e grekëve të viteve 1866-1868, ku edhe mbeti i vrarë. Vëllai i tij, dikur i marrë peng së bashku me të, por me fat tjetër në jetë, financonte dhe frymëzonte revolucionin grek nga Athina. Romani ndjek nga afër dokumentin, mitin dhe ngjarjet historike duke sintetizuar nëpërmjet “lirisë absolute” të artit biografinë reale dramatike të Ismail Ferik Pashës me dimensionet e saj romaneske. Romani “Jeta e Ismail Ferik Pashës” u përfshi në Unesco Collection of Representative Works (1994) si dhe është përkthyer dhe botuar edhe në frëngjisht, anglisht, gjermanisht, holandisht, bullgarisht, turqisht, arabisht dhe hebraisht.