Libri im i dashur Kurani

Ky libër është shkruar nën dritën e recetave (përshkrimeve) kuranore. Pyetjeve të pazgjidhshme për mendjen njerëzore u janë dhënë përgjigje me shpjegimin ndriçues të ajeteve të Kuranit. Çfarë jemi ne? Kush jemi ne? Pse jemi këtu? Ku po shkojmë? Cili është qëllimi ynë kryesor? Të gjitha këto pyetje dhe shumë pika të tjera janë ndriçuar nga drita e vargjeve kuranore. Janë marrë parasysh pikat e ndjeshme të zemrës së njeriut. Ky libër është përgatitur me përpjekjen për të rritur individë të dobishëm që teknologjia u shërben dhe jo robër të teknologjisë.
I kemi skanuar (sjellë këtu) të gjitha faktet historike që nga ekzistenca e universit e deri te zbritja në tokë e njeriut të parë, Ademit a.s., nga Sulejmani a.s., i cili fluturonte mbi erë dhe fliste me zogjtë, deri te përvojat e Jusufit a.s., që është historia më e bukur, e deri te lindja pa baba e Isait (a.s.). Nëpërmjet vargjeve të Kuranit Fisnik kemi zbuluar shumë të panjohura që nga Junusi a.s. të cilin e gëlltiti peshku e deri te Musai, i cili eci përmes deti, që nga historitë e Hizrit e deri te shtatë të fjeturit të cilët fjetën treqind vjet dhe te Uzejri që u ringjall pas njëqind vitesh. Ne kemi nevojë për dritën e ajeteve kuranore për të rritur individë pozitivë, me vetëbesim, të virtytshëm, me aftësi të larta komunikimi, të respektueshëm dhe të nderuar, intelektualë, të aftë për të gjetur zgjidhje për problemet, pajtues, inteligjentë, të ndjeshëm dhe me vullnet të fortë. Synimi ynë është një rini e virtytshme dhe me moral të lartë. Dëshira jonë janë breza të lumtur, individë të lumtur.