Novela

Asgjë tjetër më e mrekullueshme dhe më e paharrueshme se Novelat nuk doli nga pena e Tolstoit . Sigurisht , Ai shkroi Lufta e Paqja , Ana Karenina , dy nga monumentet më të mëdha të letërsisë botërore , por Novelat janë drithërimë e shpirtit , ndjenjë e thellë , joshje e rrallë , një bukuri mistike e egër dhe plot gjallëri , ku të përkund era e lehtë vjeshtore dhe të ruan qetësia e brishtë . Njeriu rus dhe bota e tij shpirtërore e çuditshme shpalosen magjishëm para lexuesit . Tolstoi e arriti apogjeun me Novelat . Aty është nderimi më i thellë njerëzor . Ato sundojnë me madhështi dhe të lenë një mbresë të thellë , sepse janë të thjeshta dhe prekëse , ato ledhatohen përjetësisht nga era tolstojane dhe ruhen me kujdes nga qetësia e përjetësisë .