Për/gjysmë

Të duash dikë nuk është një gjendje e vetëdijshme, por rrjedhim i veprimeve të përditshme, të pandërprera, i cikërrimave të pakuptueshme si shkelja e syrit, mbajtja e frymës dhe mjekra e ulur butësisht gjatë puthjes. Buzëqeshje gjatë takimit, të sinqerta, që përsëriten vazhdimisht e vazhdimisht. Të duash dikë nuk është e lehtë. Ajo është gjurmim për pranim, ndjekje pa u lodhur për t’ia arritur qëllimit. Dashuria është një punë e vështirë, që nuk e duron dot mungesën e sinqeritetit. *.. Ajo është e aftë vetëm për veprime; për një mori reagimesh nga më të voglat. Mornica në trup pa fund e pa fund. Marrje frymës dhe prekje vazhdimisht e vazhdimisht. Kaq shume prekje, saqë në trup nuk mbetet vend i lirë pa u prekur. Dhe pas përsëri edhe një herë. Vite, vite pa mbarim prekjesh.